Einhverjar 8 myndir sem Maggi tók á myndavélina sýna í Sydney um helgina eru komnar í myndasafnið. Endilega kíkið á það, þó það sé ekki margbreytilegt.
Jæja, þá er þessu 3 mánaða ævintýri lokið, og við taka næstu þrír mánuðir á Íslandi (með smá skotum erlendis til). Ég verð að segja að síðustu þrír mánuðir eru búnir að vera mjög góðir. Ekki annað hægt að segja en að ég hafi lært margt, bæði í dansi og bara almennt.
Síðan 15. maí er ég búinn að ferðast til Danmerkur, Bretlands, Singapore, Ástralíu, Austurríkis og Þýskalands. Það er búið að vera mismunandi fólk með mér á öllum stöðum (þó auðvitað hafi Rakel verið með allan tíman). Ég er líka búinn að kynnast nýju fólki á öllum stöðunum sem ég kom á.
Það sem er framundan næstu mánuði er svo undirbúningur fyrir HM sem fer fram í Melbourne í byrjun desember. Ég á eitthvað eftir að ferðast minna en ég hef gert undanfarið ár. Semsagt á ég eftir að eyða meiri tíma á Íslandi en ég hef gert undanfarið. Vinna og skóli og æfingar.
Í hliðarslánni (sidebar) á mbl.is er gjarnan að finna auglýsingu frá fyrirtæki sem heitir Emstrur Vefsíðugerð. Auglýsingin er frekar óaðlaðandi og var það í fyrsta skipti í dag sem klikkaði á auglýsinguna, en ég man eftir að hafa séð hana síðastliðið ár. Síðan þeirra er algerlega í stýl við auglýsinguna.
Bara svona að gamni fór ég að skoða verðskránna hjá þeim og vá! Það er ekkert grín að kaupa ljóta vefsíðu með (reikna ég fastlega með) ekki besta vefumsjónarkerfinu á Íslandi. Fyrir vefsíðu með sjö undirsíðum og myndaalbúmi og einhverjum fleiri dútl fídusum þarf að borga 225 þúsund íslenskar krónur + VSK! Það er brjálæði.
Inn í þessu verði er ekki bara glæææsileg hönnun (NOT) heldur týna þau til allskyns “þjónustu” sem þau réttlæta þetta ofurverð með. Dæmi um það eru sækja um lén og hýsingu, umsjón með umferð á síðuna eftir að hún er birt, uppsetning á fréttakerfi og fleira í þessum dúr.
Þetta aukadútl hjá þeim er hægt að leysa mjög einfaldlega á mjög ódýran hátt. Besta mögulega vefumsjónarkerfi sem hægt er að fá í dag (notað af NY Times meðal annars) fæst frítt á netinu. Besta mögulega vefumferðarkerfið (gert af google og notað af CNN meðal annars) fæst frítt á netinu. Umsókn um lén og hýsingu er ekki flóknari en umsókning sem þarf að fylla út til þeirra svo þeir sjái um að sækja um lén og hýsingu.
Næsta keppnistímabil er að byrja á næstunni. Fyrir mig og Rakel byrjar nýja tímabilið á morgun, þegar við keppum á German Open í Stuttgart. Erum semsagt komin til Stuttgart núna.
Fyrsta íslenska keppnin á tímabilinu verður (að öllum líkindum) Lottó Open 2008. Það þekkja held ég allir Lottó keppnina frá Auði Haralds og DÍH en þetta er held ég 17 skiptið sem keppnin er haldin. Í ár verður hún 8. nóvember, þannig að það eru ennþá nokkrir mánuðir í fyrstu íslensku keppni tímabilsins.
Það er búið að opna www.lottoopen.com þar sem hægt er að lesa fréttir og tilkynningar, kynna sér keppnina nánar og auðvitað er hægt að skrá sig í keppnina. Ég setti upp lottooopen.com síðuna í fyrra en notaði þá var hönnunin og aðgengið ekki upp á sitt besta, en það hefur verið bætt í ár og núna er síðan einföld í notkun og hægt að nálgast á bæði ensku og íslensku.
Ég vona að það verði fleiri erlendir keppendur í ár en í fyrra (1 par frá Litháen) en núna er kynningarefnið fyrir keppnina miklu betur aðgengilegt fyrir erlend pör. Núna er bara að senda link á síðuna (www.lottoopen.com/english) á öll pör sem þið þekkið!
Fyrir 3 sólarhringum lögðum við Rakel af stað frá Ástralíu áleiðis til Vínarborgar. Við komum loksins í gær eftir að hafa farið til Singapore og London áður en við komum til Vínar. Verð að segja að þetta var alveg frekar langt ferðalag. Síðasta flugið frá London til Vínar var ekki nema 2 klukkutímar og það var fáránlega stutt eftir að hafa verið í 9 tíma flugi og 12 tíma flugi.
Verð samt að segja að nýja Airbus A380 flugvélin (sem er öll á tveimur hæðum og svaka svaka flott eitthvað) er bara frekar óþæginleg. Er núna tvisvar búinn að fljúga tvisvar sinnum í henni og eyða þar með næstum heilum sólarhring inn í henni og treystið mér, það er engin leið til að koma sér vel fyrir í henni. Það er algerlega spurning að finna sér næst flug til Ástralíu þar sem maður flýgur ekki í þessari flugvél.
Í gær eyddum við deginum um að rölta aðeins um og skoða borgina. Við Rakel vorum samt frekar þreytt undir rest en erum núna komin á fullt í að venjast tímamismuninum. Á eftir að vera aðal ætlunarverk okkar út þessa viku. Verðum að vera orðin þvílíkt fersk og úthvíld fyrir German Open 12. ágúst.
Það fer samt að styttast í að við komum heim sem er alls ekki leiðinlegt.
Við á Keira St. erum búin að fara nokkur skypti í bíó og við höfum meðal annars séð myndina Mamma Mia! með Meryl Streep og James Bond. Okkur fannst myndin skemmast algerlega við það að heyra Bond syngja, þó að lögin séu alltaf klassík. Það má nú samt öllu ofgera og er ekki spurning um að þetta sé einum of:
Nú fá harðir aðdáendur söngleiksins tækifæri til þess að þenja raddböndin en sérstök „með-söngs“-sýning verður í Háskólabíói fimmtudaginn 7. ágúst. Þar fá bíógestir tækifæri til að syngja gömlu Abba-lögin með Meryl Streep, Pierce Brosnan og félögum, en Elva Ósk Ólafsdóttir og Vigdís Gunnarsdóttir verða forsöngvarar.
Eftir að hafa verið í Ástralíu í tvo mánuði er ég farinn að taka mikið eftir því að ég sé frá Evrópu. Jafnvel þó að Ísland sé alveg á mörkunum að vera í Evrópu. Hérna setur fólk þá sem eru ekki frá Ástralíu í eftirfarandi flokka:
Kíví - Fólk frá Nýja Sjálandi
Asíufólk
Evrópufólk
Ameríkufólk
Restin af heiminum
Ég fell semsagt í Evrópuflokkinn hérna og það skiptir engu máli hvaðan ég er í Evrópu, heldur bara að ég sé frá Evrópu. Evrópa fyrir Áströlum er eitt stórt land. Fólki finnst rosalega merkilegt að segja mér að það hafi komið til Ítalíu, Króatíu eða Þýskalands. Okey, það er gaman að ferðast, en ég samsvara mér nákvæmlega ekkert með fólki sem hefur einu sinni ferðast til Króatíu.
Mér er samt rosalega farið að hlakka til að fara heim - til Evrópu - í næstu viku, þó ég fari ekki til Íslands fyrr en eftir rúmar 2 vikur.
Á mánudaginn förum við Rakel frá Ástralíu og ferðumst til Vínarborgar. Ferðalagið tekur vel rúma 30 klukkutíma og stoppum við í Singapore og London áður en við komust loksins til Vínarborgar. Pabbi er núna í Vínarborg og við ætlum að gista í íbúðinni sem hann er með þar.
Ég hef aldrei komið til Austurríkis áður en það eru allir að segja mér að þetta sé rosalega flottur staður. Ég á samt eftir að vera með klikkaða flugþreytu á meðan ég verð þarna. Það er ekkert grín að snúa sólarhingnum alveg við.
Við eyðum vikum í að jafna okkur á flerðalaginu áður en við förum svo yfir til Þýskalands þar sem við tökum þátt í German Open. Sigrún mamma hennar Rakelar hittir okkur svo í Þýskalandi og verður með okkur á keppninni. Það eru síðan víst nokkrir aðrir Íslendingar að koma til að keppa/horfa á German Open þannig þetta á eftir að verða gaman.
Í fréttunum í dag var sagt frá því að dagurinn í dag hafi verið sá kaldasti í 12 ár hérna í Wollongong. Hitinn fór niður í 11°C sem er náttúrulega rosalegt. Reyndar finnur maður kuldann allt öðruvísi hérna. 11°C er virðist vera miklu kalda hérna megin á hnettinum heldur en Íslandsmegin.
Reyndar erum við líka orðin vanari hitastiginu hérna í Ástralíu heldur en fyrst þegar við komum. Fyrstu vikurnar var ekkert mál að fara í sjóinn, en við skulum alveg gleyma því að skella sér í sjóinn núna.
Ég er búinn að setja Latin video frá Sydney keppninni í videoblogg dálkinn hægra megin á síðunni en ég er líka með video af Adult Standard. Það kemur semsagt hérna…
Var að lesa frétt sem var á Vísi.is um að það hefði snjóað í fyrsta skipti í 170 ár í Sydney. Ég var fyrir (ekki svo mikla) tilviljun staddur í Sydney í allan gærdag og ég verð að segja að ég varð ekki var við neinn snjó í 10 stiga hitanum sem ég var í.
Þetta hlítur að hafa verið í einhverjum af bæjunum hérna í kring, frekar en úthverfi Sydney. Þó að Sydney sé stór er hún ekki það stór að það snjói á einum stað og sé heiðskýrt og 10 stiga hiti á öðrum stað í sömu borg. En kannski er þetta eitthvað global warming undur.
Jæja, þá er þessu 3 mánaða ævintýri lokið, og við taka næstu þrír mánuðir á Íslandi (með smá skotum erlendis til). Ég verð að segja að síðustu þrír mánuðir eru búnir að vera mjög góðir. Ekki annað hægt að segja en að ég hafi lært margt, bæði í dansi og bara almennt.
Eftir að hafa verið í Ástralíu í tvo mánuði er ég farinn að taka mikið eftir því að ég sé frá Evrópu. Jafnvel þó að Ísland sé alveg á mörkunum að vera í Evrópu. Hérna setur fólk þá sem eru ekki frá Ástralíu í eftirfarandi flokka:
Á mánudaginn förum við Rakel frá Ástralíu og ferðumst til Vínarborgar. Ferðalagið tekur vel rúma 30 klukkutíma og stoppum við í Singapore og London áður en við komust loksins til Vínarborgar. Pabbi er núna í Vínarborg og við ætlum að gista í íbúðinni sem hann er með þar.
